တစ်ပွဲတိုး ...ပန်း

မနေ့ က ညီမရှင်မင်းညို ဘလော့ဂ်မှာ ပန်းပုဏ္ဏရိတ် ဆိုတဲ့ ပို့ စ်လေးကို ဖတ်ရင်း ကျနော်သုံးခဲ့ ရတဲ့  ပန်းကလေးကို အမှတ်တမဲ့  သတိရသွားတာပါ....။ လက်ဝှေ့ ထိုးတာတို့ မျက်နှာပွင့်တို့ မှာ.ဆရာက အဆောင်တွေ ဘာတွေ ပေးရင် တစ်ပွဲတိုး
လက်ဖွဲ့ လေးတွေ၊ ပန်းလေးတွေ၊ ဆေးလိပ်တွေ ပေးတာတော့ အရင်က ကြားဘူးပါတယ်...။
ကျနော့်ရဲ့ တစ်ပွဲတိုးပန်းက ဘယ်ဆရာကမှ စီရင်ပေးတာလဲ မဟုတ်သလို ....ဘာအဆောင်မှလည်းမဟုတ်ပါဘူးဗျာ...။
ကျနော့်ဘ၀မှာလည်း ရံခါဖန်ခါ ကပ်သီးကပ်သတ် ကြုံရတာလေးတွေ အများကြီး ရှိပါတယ်...။
အဲဒါတွေ ထဲက တစ်ခုပေါ့ဗျာ...။ဖြစ်ပုံက ဒီလို....။
ကျနော်တို့ ဇာတ်ပွဲ ကမယ့်ရက် ၃/၄ရက်လောက် အားနေတော့ ဘာရယ်မဟုတ် နီးနေတာနဲ့  သူငယ်ချင်းရှိတဲ့ တပ်ကုန်းမြို့ ကို
အလည်သွားရော...။အလည်သွားတယ် ဆိုပေမယ့် ကိုယ့်ရဲ့ အက ၀တ်စုံကတော့ ပါသွားတာပေါ့...။
ဟိုရောက်တော့လည်း အေးအေးမနေရပါဘူး....သူ့  အမ ၀မ်းကွဲရဲ့ အငြိမ့် ဇာတ်လေးမှာ ဧည့်သည်အဖြစ် နှစ်ပါးခွင် တစ်ည
လောက်ကပေးဘို့ ပြောလာတော့ ၀င်ကပေးမယ်လို့ ဂတိပေးလိုက်ပါတယ်....။ သူငယ်ချင်းကို ခင်လွန်းလို့ က ” ပေးမယ်ဆိုပေမယ့်
ကျနော်တို့ ဇာတ်ကြီးမင်းသားတွေက ဒီလို အငြိမ့် ဇာတ်လေးတွေမှာ မက ကြပါဘူး.....။။ အနု ပညာလိုင်းချင်းတူပေမယ့်.....
ရုံပွဲ မင်းသားတွေက နာမည်ထိမ်းရပါတယ်...။ မက လိုကြပါဘူး။။။
ကျနော်ကတော့ မရှိအတူ ၊ နေစားခဲ့ တဲ့ သံယောဇဉ်နဲ့ ကဘို့ လက်ခံလိုက်တာပါ...။
တပ်ကုန်းမြို့ ပေါ်ပွဲ မဟုတ်ဘူး....တပ်ကုန်းမြို့ နယ်ထဲမှာဘဲ....ရွာနာမည်မမှတ်မိတော့ပါဘူး...က”ရမှာကတော့ ဘုန်းကြီးပျံပွဲပါ..။
များလိုက်တဲ့ လူတွေဗျာ....။ ကြက်ပျံမကျပါဘဲ...( စကားမစပ် ပြောရဦးမယ်..ကျနော့်သူငယ်ချင်းလူရွှင်တော် တစ်ယောက်ရှိတယ်...
ကျနော်တို့ မှာ အပြောချိုရတယ် ...ကနေတဲ့ ပွဲတိုင်းမှာ နောက်နှစ်တွေမှာလဲ ပွဲတော်ကြီးကို နှစ်စဉ်နှစ်တိုင်း ကျင်းပနိုင်ပါစေ...ဘာညာ
ပေါ့...နောက်ဆုံးညတိုင်းပြောရတာပါ...အဲဒီသူငယ်ချင်း ပေါ့ ၊ နောက်ဆုံးညမှာ “ အခုလို ကပြခွင့်ရတဲ့ အတွက် အရမ်းကို ၀မ်းသာမိပါတယ်...နောက်နှစ်တွေမှာလည်း အခုလိုဘဲ အောင်မြင်စွာ နဲ့ နှစ်စဉ်နှစ်တိုင်း ပွဲတော်ကြီးကို ကျင်းပနိုင်ပါစေ”လို့ ဆုတောင်းလိုက်တာ စကားတောင်မဆုံးသေးဘူး...အောက်ကနေ သူ့ ကို ခဲတွေ၊ ပြောင်းဖူးရိုးတွေနဲ့ ဝိုင်းပေါက်ရော...ကျနော့်မှာ ကြားဖြတ်ဝင်ပြီး တောင်းပန်လိုက်ရတာဗျာ....ကိုယ့်လူကမှ မနပ်တာ....ပွဲဒကာတွေ စိတ်ဆိုးမှာပေါ့....ကျင်းပနေတာက ဘုန်းကြီးပျံပွဲလေ)...သူဆုတောင်းပုံဆို ရင် ကျောင်းထိုင်ဘုန်းကြီးတွေ...တစ်နှစ်တစ်ပါး....မျက်ခုံးလှုပ်စရာကြီးကိုး)။
ဆက်ရဦးမယ်....ဒါနဲ့ ကရောဆိုပါဆို့ ...ပရိတ်သတ်ကလည်းတော်တော်ကို အားပေးပါတယ်....။
အနုပညာ သမားတွေများ( သဘင်သည်+ အဆို) ပိုက်ဆံ မရရင်နေ ၊လူများပြီ ပရိတ်သတ် များပြီ ဆိုရင်တော့ မောရမှန်းတောင် မသိပါဘူး။။။
သူငယ်ချင်း အမတို့ ပွဲပြီးရင် နောက်ည ဆက်တိုက်ဝင်ကမယ့် ဇာတ်ပွဲကလည်း ကျနော်ကတဲ့ ည မှာ တစ်ညကြိုရောက်နေပါတယ်...။
မြင်းခြံဘက်ကလူတွေဆို သိပါတယ်...သူတို့ လဲ မြင်းခြံနယ်မှာ ဆိုရင်တော့ နာမည်ကြီးတွေပါ...။
ဝင်းမြိုင်၊ ၀င်းကြိုင်ဇာတ်ပါ....။
ဒါနဲ့  နှစ်ပါးသွားပြီးတော့ သူတို့ ညီအကို ရောက်လာပါတယ်...အကူအညီလာတောင်းတာပါ. သူတို့ ညီ အငယ်ဆုံးလေး ( ညီညီအောင်...လို့ ထင်ပါတယ်..သိပ်မမှတ်မိတော့ဘူး) တော်တော်ဖျားနေလို့  နှစ်ပါး ခွင် ၀င်ကပေးဘို့  အကူအညီတောင်းတာပါ...။
သူတို့ က တာဝန်ခွဲပြီး ကကြတာပါ..တစ်ယောက်က ပြဇာတ်၊ တစ်ယောက်က အော်ပဒါနဲ့ နောက်ပို င်း၊ သူတို့ က လူကြီးတန်း တွေ ဖြစ်နေတော့ သူတို့ ညီ အငယ်ဆုံးကို နှစ်ပါးကဘို့ တာဝန်ခွဲပေးထားတာပါ..။ အခုသူကဖျားနေတာဆိုတော့ အခက်အခဲရှိနေပါတယ်။
ပရိတ်သတ်ကလည်း နှစ်ပါးမင်းသားဆို ငယ်မှ ကြိုက်တာကိုး...။
နောက်ဆုံး သူငယ်ချင်းကလဲ ၀င်တိုက်တွန်းတော့ မိတ်ဖြစ်ဆွေဖြစ်ကူညီမယ်လို့ ကတိ ပေးလိုက်ပါတယ်....။
အဲဒီအထိ ဘာမှ ပြသနာ မရှိပါဘူး၊
နောက်နေ့ လည်ကျတော့ မင်းသားခေါင်းပေါင်းကိုလျှော်လိုက်ပါတယ်...ညက ချွေးတွေ သိပ်ထွက်တားတော့ မိတ်ကပ်ချွေးက ခေါင်းပေါင်း အောက်နားလေးတွေမှာ ပေနေရင် ကြည့်မကောင်းဘူးလေ၊ ခေါင်းပေါင်းပန်းတွေကို သပ်သပ်ဖြုတ်ပြီး ဆပ်ပြာနဲ့ သွားတိုက်တံလေးနဲ့ စိတ်ရှည်လက်ရှည် လျှော်ရတာပါ။ ပြီးတော့ ဇာတ်ခုံ ဘေးနားဘက်က ၀ါးတန်းလေးမှာလှမ်းပြီး စိတ်ချလက်ချ တစ်ချိုးတည်း အိပ်ပစ်လိုက်တာ ညနေ၄း၀၀ လောက်မှ နိုးပါတယ်...။ စားသောက်ပြီးလို့  ခေါင်းပေါင်းကို ပြန်ယူတဲ့ အခွ ပြသနာ စ တာပါဘဲ....။
ခေါင်းပေါင်းထိပ်လေးမှာ တန်းရက်လေး ထိုးရတဲ့ နဖူးစည်း ဖော့ပန်းလေးတွေ မရှိတော့ဘူး....နဖူးစည်းပန်းဆိုတာ ခရေပွင့်ပံးစံ ဖော့ပန်းလေးတွေ...အနည်းဆုံး ၁၅ပွင့်လောက်ကို နိုင်လွန်ချည်နဲ့  အတန်းလိုက်လေးသွယ်ထားတာ...။
အဲဒါလေး မပါရင် မင်းသားခေါင်းပေါင်း အင်္ဂါရပ် မပြည့်စုံတော့ဘူး...။ခက်ပြီ.....။
ဦးဝင်းကြိုင်တို့ အထဲက လူတွေကိုမေးလဲ မတွေ့ မိဘူးဘဲ၊ ပြောတာပေါ့..။ ဟုတ်လဲဟုတ်ပါတယ် ၊ လေတိုက်ပြီးလွင့်သွားရင် ဘယ်လိုသိမှာလဲ...။ ဇာတ်ထဲက ယိမ်းမင်းသားအငယ်လေးတွေဆီမှာ အပို ရှိလားမေးတော့ မရှိကြပါဘူး...အမှန်ဆို အဲဒီပန်းလေးတွေက ဘယ်မင်းသားမှ အပိုမဆောင်ကြပါဘူး....ခေါင်းပေါင်းတစ်လုံးမှာ တစ်ခုဘဲ...၀ယ်ကတည်းက အပြီးတပ်ပြီးသား၊။
ရန်ကုန်မှာ ဆိုရင်တော့ ပြသနာမရှိပါဘူး...ဗိုလ်ချုပ်ဈေးဖြစ်ဖြစ်၊စိန်ဂျွမ်းဈေးဖြစ်ဖြစ် ၀ယ်လို့ ရပါတယ်....ဈေးလည်းမကြီးပါဘူး...။
အခုဟာကနယ်ပွဲ၊ ကပြရမှာကလဲ သူများဇာတ်မှာ ၊ အဖွဲ့ ထဲက လူတွေကလည်း ရန်ကုန်ဇာတ်ကြီးမင်းသားနှစ်ပါးခွင် ၀င်ကပေးမှာဆိုလို့  ကိုယ့်ဘဲ အကဲခတ်နေကြတာ...။ ဒီမှာကလဲ..ပြသနာ.။ ဇာတ်ကြီးမင်းသား ခေါင်းပေါင်းက အင်္ဂါ မစုံလို့ တော့ အပြောမခံချင်ဘူး....ပြောခံရမှာလဲ ကြောက်တယ်။
ဟိုမေးဒီမေးနဲ့ ၆နာရီလောက်ရှိနေပြီ...စိတ်လဲညစ်နေပြီ...နောက်မှ ကောင်မလေး တစ်ယောက်က အကြံပေးတယ်...ဘုန်းကြီးပျံပွဲဆိုတော့ ဈေးတန်းကြီးရှိတယ်...အကို ပွဲဈေးတန်းမှာ လိုက်ရှာဝယ်ပါ့လား...လို သတိပေးမှ....ဟာ..ဟုတ်တာဘဲ...တစ်ချို့ ရောင်းတတ်ကြတယ် ဆိုပြီး ပွဲဈေးခင်းမှာ ပါတ်ရှာတာ...တစ်ဆိုင်ဝင် တစ်ဆိုင်ထွက်...။
ပန်းရောင်းတဲ့ ဆိုင်တွေ အများကြီးပါ၊ စက္ကူပန်း၊ ပလပ်စတစ်ပန်း၊ အ၀တ်ပန်း၊ ကြက်မွှေးပန်း အကုန်ရှိတယ်ဗျာ....
ကံမကောင်းချင်တော့ ကျနော်လိုတဲ့ ပန်း တစ်ဆိုင်မှ မရှိဘူး...။ ကိုယ်များ မျက်စိရှန်းနေတာလားဆိုပြီး...တစ်ခေါက်...နှစ်ခေါက်....
အခေါက်ပေါင်းများလို့ ခြေတွေသာ ညောင်းတယ်...လုံးဝမတွေ့ ပါဘူး...။
လူလည်း တော်တော် စိတ်ညစ်နေပြီ...ချွေးတွေ၊သံတွေနဲ့  ဖုန်အလူးလူးနဲ့ ...ကိုယ့်ဟာကိုလဲ ဒေါသဖြစ်....။
နောက်ဆုံး စိတ်လျှော့လိုက်ရတယ်ဗျာ...။ ဟိုမှာပွဲတောင် စထွက်နေပြီ....ကိုယ့်မှာ မိတ်ကပ်ပြင်ဘို့ နေနေသာသာ...ရေတောင်မချိုးရသေးဘူး..။
နောက်ဆုံး မရတော့မယ့် အတူတူ ခဏ နားမယ်ဆိုပြီး တွေ့ တဲ့ မဏ္ဏပ်မှာ ၀င်ထိုင်လိုက်တာပေါ့....ပွဲခင်းနဲ့ မျက်နှာချင်းဆိုင် ဆောက်ထားတာပါ....ပွဲခင်းနဲ့ တော့ တော်တော်ဝေးတယ်...။ ဘုန်းကြီးပျံ မဏ္ဏပ်ပါ....တစ်ချို့ ဒကာတွေလဲ ၀ိုင်းဖွဲ့ ထိုင်လို့ ...အလွမ်းတွေ သယ်ကြ၊ ဆရာတော် အကြောင်း ပြောကြ နဲ့ ပါ...။အဘိုးကြီးတွေ အဘွားကြီးတွေပါ...။ရေနွေးကြမ်း ၀ိုင်းဖွဲ့ လို့ ပေါ့...။
ကျနော့်ကိုတောင် ရေနွေးသောက်ဘို့  ခေါ်ပါတယ်။။။ဒီအချိန်မှာတော့ သိကြားမင်းလာတိုက်တဲ့ ရွှေရင်အေးတောင် မျိုကျမှာ သောက်နိုင်မှာ မဟုတ်ပါဘူး....။
ဒါနဲ့ လက်မှိုင်ချပြီး ဟိုကြည့် ဒီကြည့်လုပ်နေရင်းနဲ့ ထခုန်မတတ် ၀မ်းသာသွားတယ်ဗျာ....။
တွေ့ ပါပြီဗျာ....ကိုယ်လိုချင်သောပန်း....
ရှားရှားပါးပါးပန်း.......
ဈေးမကြီးပေမယ့် ၀ယ်လို့ မရတဲ့ ပန်း....
ဗိုလ်ချုပ်ဈေး၊ စိန်ဂျွမ်းဈေး ပန်းအရောင်းဆိုင်လားထင်ရပါရဲ့ ..။
အထွေးလိုက် အပွေ့ လိုက်....တွဲလောင်းချလို့ တစ်မျိုး.....ကွေ့ကာဝိုက်ကာ တစ်မျိုး ။ ပန်းမျိုးစုံတွေကြားမှာမှ...ကိုယ့်ပန်းလေးက ပိုထင်ပေါ်ပြီးလှနေသလိုဘဲ....။နည်းတဲ့ ပန်းတွေလားဗျာ....
ဘုန်းကြီးရုပ်ကလာပ် မှန်အခေါင်းမှာ ဆင်ထားလိုက်ကြတာ..။ ကိုယ့်မှာ ၀မ်းသာရအခက် ၀မ်းနည်းရအခက်...။
ပန်းကိုတက်မက်စိတ်နဲ့ အနီးကပ်ကြည့်လေ၊ မှန်ခေါင်းထဲက ဘုန်းကြီး ရုပ်ကလာပ်ကို ထင်ထင်ရှားရှားမြင်ရလေ...။
ကြောက်လိုက်တာ ဆိုတော့..။ ထွန်းထားတဲ့ မီးကလဲ မှိန်မှိန်လေး။
ပန်းကိုတွေ့ ပေမယ့် ရောင်းတာလည်းမဟုတ်၊ တောင်းမယ်ဆိုလဲ ဘယ်သူမှ ပေးမှာ မဟုတ် ဘယ်လိုလုပ်ရမှန်းတောင်မသိဘူး...။
နောက်မှ လူရှင်းသွားပြီ...အဘိုးကြီး၊ အဘွားကြီးတွေလဲ ပွဲခင်းကိုသွားပြီဆိုမှ..။
“အရှင်ဘုရား....ကန်တော့ပါတယ်ဘုရား၊တပည့်တော်မှာ အခက်အခဲ ကြုံတွေ့ နေလို့ ကူညီတဲ့ အနေနဲ့  ပန်းနဲနဲလောက် စွန့် ပါဘုရား”
လို့ ခွင့်တောင်းပြီး....ရုပ်ကလာပ်ဘေးက ပန်းလေးကို မရဲတရဲ လက်နဲ့ ဆွဲဖြတ်ပေမယ့်...နိုင်လွန်ကြိုးက မပြတ်ပါဘူးဗျာ....။
ဒါနဲ့ “ အရှင်ဘုရား...တပည့်တော်..ပြန်လာပါ့မယ်ဘုရား....ဒီနေရာကို ဘယ်သူမှ ရောက်မလာအောင် ကူညီပေးပါဘုရား” လို့ ပြောပြီး...ပွဲဈေးတန်းကို ပြေးရတာပေါ့...။
ဘုန်းကြီးက ဘာပြန်ပြောမှာလဲ အသက်မှ မရှိတာ....ကိုယ်ကလဲ ဘုန်းကြီး အလောင်းကို ကြောက်တာရယ်....ပန်းယူတာ လူမိသွားမှာ၊ လူတွေ့ မှာ ကြောက်တာရယ်ပေါင်းပြီး....ပါးစပ်ကပြောနေရတာကိုး...။
ပွဲဈေးတန်းမှာ ဘရိတ်ဓါး လိုက်ရှာဝယ်ရတယ်...လိုချင်ပြီဆို...ရှာလို့ တောင်မရဘူးဗျာ...။
ဘရိတ်ဓါးကိုသဲကြီးမဲကြီး လိုက်ဝယ်နေတော့ တစ်ချို့ ဆိုင်တွေက ၊တယ်ပြီး မသင်္ကာသလိုကြည့်ကြသေးတယ်....နောက်မှ
ကုလားဆိုင်တစ်ဆိုင်ကိုမေးတော့ သူကတောင်ပြန်မေးသေးတယ်...။ကြည့် ပါဦးဗျာ မေးပုံက....
“ ခင်ဗျား...ခါးပိုက်နှိုက်လား” တဲ့ ...။ ဒေါသဖြစ်လိုက်တာဗျာ....ဒါပေမယ့် စိတ်မဆိုးအားပါဘူး...။
ကျနော့် အခက်အခဲကို ပြောပြမှ...ဒါဆို သူမုတ်ဆိတ်ရိတ်တဲ့ ဓါးအဟောင်းတော့ရှိတယ်..ယူမလားမေးတော့ ကျနော့်မှာ ဟန်တောင် မဆောင်နိုင်တော့ပါဘူး.....။
ဓါးရတာနဲ့ ချစ်သောဘုန်းဘုန်းဆီကို တစ်ခါ ပြန်ပြေးရတာပေါ့...။
ဟိုရောက်တော့ ထပ်ကန်တော့ ...ပန်းစွန့် ဘို့ ထပ်ပြော...ကိုယ့်မှာလဲ ရဲရဲ မကပ်ရဲဘူး....။
နောက်ကံဆိုးချင်တော့ အဘိုးကြီး ၂ယောက် ရောက်လာပြီး ဟိုဘက်နားမှာ လာထိုင်နေကြရော...။
အဖော်ရှိတာ ၀မ်းသာပေမယ့် ဘယ်လိုလုပ်စွန့် မလဲ....။
နောက်ဆုံးတော့ ဘေးကကြည့်ရင် ဘုန်းကြီးရဲ့ ငယ်တပည့် လေးမို့  အလွမ်းမပြေနိုင်ဖြစ်ပြီး လာငိုသယောင်...ကန်တော့ သယောင်လုပ်ပြီး... ဘုန်းကြီး အခေါင်းဘေးမှာ ပက်လက်လှန်ပြီး အိပ်ချလိုက်ရတာပေါ့...နောက်မှ တွဲလောင်းကျနေတဲ့ ပန်းကလေးကို ဓါးနဲ့ အသာလေး ဖြတ်ရပါတော့တယ်...ပါးစပ်ကလည်းတောင်းပန်လိုက်ရတာ....။
နောက်ဆုံးတော့ ပန်းလေးရသွားပါတယ်..။ ရပြီးတော့ ထပ်ကန်တော့ ပြီးတာနဲ့  ဟန်မပျက် မဏ္ဏပ်ထဲက ထွက်လာပြီး...
ဇာတ်ရုံကို အသားကုန်ပြေးတာ...။ (ငယ်တုန်းက ဘုန်းကြီးသရဲက ပိုဆိုးတယ်လို့ ကြားဘူးထားတာကိုး)၊
ဟိုမှာကလည်း မင်းသားပျောက်လို့ လိုက်ရှာနေတာ....။
နောက်ဇာတ်ရုံနောက်မှာဘဲ ရေချိုး...ခေါင်းပေါင်းပြန်ဆင်...ပြီးတော့ မိပ်ကပ်လိမ်း.....။
ကွက်တိလောက်ပါဘဲ...။ ဟိုမှာလဲ ပြဇာတ်ပြီးတော့မှာလေ...။
ဒါနဲ့  နှစ်ပါးခွင်ကို ကဖြစ်ခဲ့ တာ....။
ရလိုက်တဲ့ ဆုတွေဗျာ.... တစ်ခြားဇာတ်မင်းသားတွေ၊ ဇာတ်ဆရာတွေတောင် အံ့သြတယ်....။
ကျနော်လည်း အံ့သြတယ်...။
ကျနော့်စိတ်ထဲမှာတော့ တစ်ခုခုကိုသိနေသလိုပါဘဲ....။
ဒါကြောင့် ဒီပို့ စ်လေးကို နာမည်ပေးထားတာ...
တစ်ပွဲတိုးပန်း.....လို့ .။
သစ်နက်ဆူး